• Stefan Gabriel, menader da scola

Jamna da project


Duront in'jamna ein las scolaras ed ils scolars dil scalem superiur seduvrai avon che presentar lur resultats ils 22 da matg 2015. La lavur preparativa per quella jamna da project ha entschiet gia all'entschatta digl onn da scola ed era las persunas d'instrucziun ein stadas tut loschas d'astgar raccoltar ils fretgs da quella jamna intensiva.

Ils scolars dalla superiura han giu la pusseivladad da s'inscriver per in dils 5 differents projects:

- Cuschinar cun jarvas

- Musical: Dave

- Camp da sport

- Fotografar e sviluppar

- Uaul alpin

Malgrad l'aura freida e bletscha ein ils resultats da quella jamna stai immens buns. Segiramein ha era il bien clima da lavur dau la contribuziun leutier che tuts eran alla fin da quell'jamna forsa staunchels denton fetg satisfatgs.

L'exposiziun dallas lavurs ella rama dalla presentaziun dil musical "Dave" ha allura era tratg neutier ina gronda raspada dad interessents. Tgi che ha interess ni less forsa aunc inagada schar reviver la jamna sa far quei en nossa gallaria. A tuts in grond cumpliment per lur grondiusa lavur!

#project #jamnadaproject #fotografar #uaul #cuschinar #jarvas #sport #musical #dave

0 Ansichten

© 2015 Consorzi da scola Sumvitg-Trun

Fotografias: Lotar Tomaschett, scolaras e scolars dil Consorzi