• Salvatore Staglianó, scolast da classa 2. reala

Di da sport cantunal da ballapei a Domat


La superiura dil Consorzi da Sumvitg-Trun ei separticipada cun duas equipas al turnier da ballapei cantunal per scolas popularas.

L'equipa da giuvens ha buca saviu recaltgar in rang che mereta lur prestaziun. Els han numnadamein cumbattiu mintga giug cun enorm anim, denton han ils gols muncau. Tuttavia han els suenter quater terradas buca schau dar las alas, mobein mess ina crena dapli e conquistau in pari ed ina victoria. Igl ei da numnar il migliac ch'ils giuvens han fatg suenter igl emprem gol ch'els han gudignau. Quella scena ha mussau tut il plascher dils giuvens e lur immens spért d'equipa enteifer quei turnier. Bravi Ragazzi!

L'equipa da giuvnas ha mussau in'excellenta prestaziun. Ellas han gudignau sis giugs, fatg treis paris e spiars in - en tut 21 puncts ed aschia il pli bia puncts dil turnier ensemen cun in'autra equipa. En cass ch'equipas han medem bia puncts decida il giug direct tgi ch'ei emprem. Deplorablamein ha l'equipa da giuvnas spiars exactamein lur sulet giug encunter l'equipa cun medem bia puncts. Quei ei stau ina massiva schlepra per las giuvnas sco era per nus tuts presents.

Tuttavia san las giuvnas esser pli che loschas dil ballapei ch'ellas han dau. Igl ei stau in deletg mirar lur cumbinaziuns, lur cumbats, lur disciplina tactica e buca dad emblidar lur spért d'equipa. Vus essas per nus tuts las empremas!

Da mia vart vi jeu engraziar a tut las scolaras ed ils scolars per quei bellezia di plein emoziuns e bials muments.

#sport #turnier #ballapei #Domat #project #superiura

16 Ansichten

© 2015 Consorzi da scola Sumvitg-Trun

Fotografias: Lotar Tomaschett, scolaras e scolars dil Consorzi