• Stefan Gabriel, menader da scola

Repartiziun dallas classa primaras naven digl onn da scola 2017/18


Suenter che la suprastonza dalla vischnaunca da Sumvitg ei sedecidida da mantener la casa da scola da Rabius ha era il Cussegl da scola stuiu sedecider co nezegiar l'infrastructura restonta e reparter las classas primaras naven dil proxim onn da scola. A sia davosa sesida ei il Cussegl da scola sedecidius suenter oreifra evaluaziun da mantener en omisdus loghens da scola tuttas classas primaras da mintga vischnaunca.

​Quei vul dir, che tut ils scolars ella vegliadetgna da scoletta e scola primara vegnan a visitar lur scola ella vischnaunca oriunda. A Trun ed a Rabius vegn ei a dar 4 classas cumbinadas cumponidas ord 1./2. onn da scoletta, 1./2. classa, 3./4. classa e 5./6. classa.

​Per nus persunas d'instrucziun ei la decisiun dil Cussegl staus punct da partenza per las preparativas per la realisaziun da quels plans.Cun il project NIDO ein las scolastas ed ils scolasts dallas classas primaras semess alla lavur mardis sera, ils 20 da settember. La finamira da nies project ei da planisar, preparar e realisar quella midada. Ei ha num nezegiar las schanzas ch'ina tala bardigliada porscha, far frunt allas sfidas che quella porta e render quen allas rescas. Igl engaschi cul qual ils scolasts ein semess alla lavur lai gia ussa selegrar sin in fetg bien resultat.


32 Ansichten

© 2015 Consorzi da scola Sumvitg-Trun

Fotografias: Lotar Tomaschett, scolaras e scolars dil Consorzi