• scolaras e scolars dalla 1rs

1rs: viadi d'atun


Nies viadi da scola 3 - 4 d‘october 2016

Nus 14 scolars e scolaras dalla 1.rs ensemen cun scolast Armon e scolasta Lisa partin allas 07:00 da Trun per visitar il Tecnorama a Winterthur. Silsuenter mein nus cul tren a Turitg ed ella casa da giuvenils nua che nus survegnin las combras. Suenter tscheina mein nus a kino e lu turnein staunchels anavos. La damaun suenter solver prendin nus il bus per ir el studio da SFR. Leu gentein nus era. Cul venter plein visitein nus lu l'exposiziun 'Europa in der Renaissance' el niev Landesmuseum. Finalmein havein nus era peda da far il shoppen. Encunter sera arrivein nus cuntentamein a casa, mo duront il viadi han dus schau scher lur giaccas. (Chiara-Lorena)

Tecnorama

Arrivai el Tecnorama deponin nus sco emprem nossas tastgas e retschevin tuttas infos per quei miez di el Tecnorama. Nus vesin differentas ed interessantas presentaziuns e vein peda da mirar entuorn tenor gust. Duront in'ura astgein nus experimentar en in labor. Ina dallas pli specialas caussas ei la 'rucla d'electricitad'. Sch'ins tucca en ella stattan ils cavels tut agradsi. Engraziel per quels prima dus dis! (Natascha)

Kino

La sera dat ei ina surpresa. Scolast Armon e scolasta Lisa envidan nus a kino. Ina biala surpresa! Mes'ura mein nus cul tram tochen tiel kino. Il film 'Findet Dorie' ei fetg bials e nus sedevertin. Naturalmein astga il popcorn buca muncar. Quella sera en cumpignia vegnin nus buca ad emblidar. Staunchels e cuntents mein nus la finfinala a letg. (Dania)

Studio SFR

Suenter levar e solver semettin nus sin via cul tram en direcziun dil studio SRF. Strusch arrivai vegnin nus beneventai cordialmein da nossa menadra per quei avonmiezdi. Ella muossa a nus fetg bia, denter auter tgei tric ch’ils moderaturs han da leger lur text. Quei vesa ora sco sch’els tschintschassen tut ordado. In pèr astgan empruar ora co quei ei da preleger novitads. Silsuenter muossa ella ils studios da Glanz & Gloria, Arena, Tagesschau e Sport. Nus vesin trics ch’ins gnanc vesa ella televisiun. Ei fa surstar con pigns che quels studios ein en realitad. La menadra declara che quei vegni fatg cun glisch per ch‘ei vesi ora aschia pli grond. Cun gronda fom mein nus lu la finfinala ella cantina dil studio a gentar.

Segiramein vegnin aunc ditg a patergiar vid quei bi e special viadi cu nus tschentein mintgamai en la televisiun. (Giulia)

Exposiziun 'Europa in der Renaissance'

Mesa l'ina arrivein nus el Landesmuseum per mirar quell'exposiziun. Ina dunna meina nus atras l'exposiziun ed explichescha da tuttas caussas.

Ovras artisticas, invenziuns, instruments e caussas dil mintgadi vegnan presentai. Impurtonts objects internaziunals ein d’emprest ord l’Europa e l’USA. Quels objects enriheschan l’exposiziun. Entginas ovras ein per l’emprema gada en Svizra, denteren era il maletg dalla ‘Madonna des Bürgermeisters Jacop Meier’ da Hans Holbein che vegn schazegiaus sin 50 milliuns. (Jael, Michèle)

scolast Armon e scolasta Lisa

« Quei ei stau propi in bi viadi d’atun ensemen cun vus! »


90 Ansichten

© 2015 Consorzi da scola Sumvitg-Trun

Fotografias: Lotar Tomaschett, scolaras e scolars dil Consorzi