• Stefan Gabriel, menader da scola

Prevenziun da medias


Buca in niev fenomen, denton lessel jeu entras il focus sil plan d'instrucziun ed il niev rom "medias ed informatica" nezegiar la caschun e far attents sin la prevenziun da medias per affons e giuvenils. Igl ir entuorn cun las medias novas ei per ils affons d'ozildi - ils schinumnai "digital nativs" - enzatgei dil pli normal. Per nus ch'essan schizun pli vegls ch'igl internet buca adina ina sempla situaziun. Schongleschan nos affons numnadamein entuorn cun applicaziuns nunenconuschentas e plaids che tunan savens pir che rumantsch grischun. Buca adina lev da sco genitur saver sco sedepurtar.

Il s'avischinar al mund digl agen affon, il dumandar suenter, demussar interess e setschintschar senza sentenziar ein segiramein ils emprems pass. Mintgaton sentan ins denton forsa ch'ins vegn als cunfins e sesenta surdumandaus co agir. Cun quest scriver lessel far attents sin ina purschida:

La plattafuorma "giuventetgna e medias" digl Uffeci federal per las assicuranzas socialas (UFAS) ha numnadamein publicau videos da prevenziun en connex cun las schanzas e las rescas da medias digitalas. Ils clips sedrezzan en emprema lingia a geniturs cun affons denter 7 e 12 onns e stattan a disposiziun sin lur canal youtube da giuventetgna e medias ni sin lur pagina web (semplamein clicar sil sutlingiau).


131 Ansichten

© 2015 Consorzi da scola Sumvitg-Trun

Fotografias: Lotar Tomaschett, scolaras e scolars dil Consorzi