Viseta dils cussadents dalla Casa s.Martin en scoletta

 

Mardis , ils 3-11-2015, allas10.00 uras suenter pausa, ein nossas visetas arrivadas sil plaz dalla scoletta. Tgi cun suppias da rodas , tgi cun rollators, cun canna ni a bratsch cun las menadras.

 

Igl emprem eran ils affons empau schenai, denton cun mussar co els san far hullahop e seglir cun sughet han els spert piars lur retenientschas.

 

Suenter che mintga cussadent ha anflau in plaz da seser en scoletta, han ils affons salidau mintgin cun dar il maun. Ensemen cun ils cussadents havein cantau , sblatschau e schizun saltau.

 

Il plascher e tschaffen era da sentir, schibein dalla vart dils cussadents sco era dils affons. Il grond  maletg ch`ils cussadents han creau communablamein per nus, ha la menadra Christina Bearth surdau als affons. Ils mams ch`ils affons han fatg il di avon, regalan ils pignets a mintga cussadenta ed era las menadras.

 

Bia memia spert eis ei stau uras per ils cussadents dad ir puspei anavos a casa, ella Casa s. Martin. Quei vul di dar adia, denton las fatschas rientas e cuntentas muossan che la scuntrada ei gartegiada e che quella vegn a star en buna memoria, e forsa,  tgi sa, dat ei puspei inagada ina schi biala scuntrada.

 

 

Please reload

Davosas publicaziuns
Please reload

Arcun
Please reload

© 2015 Consorzi da scola Sumvitg-Trun

Fotografias: Lotar Tomaschett, scolaras e scolars dil Consorzi