Mintga rap quenta
Dr. Oetker Schweiz ha sin giavisch tarmess in pachet cun differents products per far mams cun la finamira dad aschia separticipar alla acziun da donaziun da „Jeda Rappa zählt“. Dr. Oetker , in dils sponsurs principals 2015 animescha aschia cun „ Jedes Guetzli zählt“. Quest onn va il recav a giuvenils en miseria.
Bugen ein scolaras e scolars dil scalem superiur dil consorzi da scola Sumvitg-Trun cun lur scolastas separticipai cun far mams e decorar els cun gronda breigia e plascher.
La sonda, ils 12 da december 2015 han in per scolaras e scolars vendiu a moda fetg simpatica ils mams avon la stizun dil Volg a Trun. Sin quella moda han nos giuvenils saviu sustener communablamein giuvenils en miseria.
Grazia a tuts che han cumprau mams, creflis ni tustgets ed aschia susteniu nossa lavur, han nos giuvenils astgau tarmetter ina fetg biala summa daners alla cadeina da fortuna.
„Gemeinsam für Jugendliche in Not“ ei aschia stau per nus in success cumplein.
Link: Jeda Rappa zählt
