Sentupada cun la scola da Mosaik Alterswilen (TG)

Entschiet ha tut cun las duas scolastas Regula Enderle (Alterswilen) e Monique Huonder (Trun) che han giu l’idea da procurar per in exercezi da scriver tut special. Ellas lecziuns d’engles han ils scolars e las scolaras dall’ emprema secundara giu l’incumbensa da scriver ina e-mail ad in scolar ni ad ina scolara dalla scola Alterswilen. Suenter las vacanzas da stad han las scolaras ed ils scolars dall’ emprema e secunda superiura da Trun survegniu posta en tudestg ch’els han promptamein rispundiu, avon ch’ils scolars d’Alterswilen ein parti en lur camp a Segnas.

Gievgia, ils 8 da settember 2016, da bellezi'aura d’atun e temperaturas da stad s’entaupan las scolaras ed ils scolars da Trun cun lur amitgs ed lur amitgas da brev e dad e-mail dalla Sekundarschule Alterswilen.

Allas 10.00 ein tuts, rodund 90 giuvenils, sil plaz da bal da trenament, spannegiai sco lur cumpogns vesien ora. Suenter in cuort giug han bunamein tuts anflau lur collega ed ils scolasts han partiu en las gruppas. Ils scolars vevan la schelta denter ballapei, frisbee, «Wölflen» e sughet.

Spert ein 3 gruppas stadas pinadas d’entscheiver lur giugs. Donn che neginas buobas d’Alterswilen devan ballapei.

Aschia han las scolaras da Trun dau bal denter ellas e suenter aunc en squadras mischedadas cun ils buobs dad omisduas scolas. Gudignau han suenter sittar penaltis ils «verds».

Las bunas ligiongias grilladas dils scolast e las verduras eran spert magliadas. Las bunas caussas dil grond buffet da dessert han schizun aunc tunschiu per ina marenda.

Allas 12.35 hai giu num da prender cumiau. Ils turgovians ein i vinavon el parc Medellin, ils scolars da Trun – bugen ni nuidis – anavos en scola.

Il tenor da quei di extraordinari ei staus unisono: Quei ei stau super! Cu savein nus visitar els ad Alterswilen?