2rs:viadi da scola a Berna


2rs: Viadi da scola a Berna, ils 3 e 4 d‘october 2016

Nus scolarAs dalla 2.rs essan stai a Berna sin viadi da scola, e quei dus dis.

1. di

Cugl auto da posta essan nus i naven da Trun allas 08.15 uras ed essan arrivai suenter in’emperneivel viadi a Berna ca. allas 13.00 uras. Cu nus essan stai avon la casa da giuvenils han ils scolasts fatg gruppas, e nus havein astgau far ina cuorsa da fotos atras il marcau per veser las attracziuns turisticas. Nus havein giu peda ca. quater uras. Tgi che ha anflau las pli biaras attracziuns ed informaziuns da talas, ha survegniu in premi, numnadamein astgan els treis gadas schar naven pensums da casa tier nossas persunas d’instrucziun.

Suenter havein nus astgau aunc ir el marcau a cumprar en.

Suenter ina flotta tscheina essan nus tuts aunc i ensemen a dar bowling. Quei ei stau in eveniment tut special e quellas duas uras havein nus gudiu cumpleinamein.

Silsuenter essan nus turnai ella casa da giuvenils ed i a durmir.

2 di

La damaun essan nus scolarAs vegni destadai allas 07.00 uras da nossAs scolastAs. Suenter solver essan nus i sil plaz federal. Nus havein lu aunc inagada astgau i el marcau a spass. Allas 09.45 uras essan nus sepinai dad entrar ella casa federala. Nies cusseglier naziunal Martin Candinas ha menau nus atras las differentas stanzas. Cun in bien maun e fetg simpatic ha el declarau mintga stanza e tgei che vegn fatg leu, ni ch’el ha declarau a nus ils differents maletgs vid las preits ni sil plantschiu su e tgei muntada ch’els han. Nus engraziein cordialmein ad el per la peda ch’el ha priu per nus.

Allas 13.30 uras essan nus puspei semess sin via dad ir a casa, nua che nus essan arrivai ca. allas 17.00 uras.

Per la 2.rs Sarah, Lisa, Lara


Davosas publicaziuns
Arcun

© 2015 Consorzi da scola Sumvitg-Trun

Fotografias: Lotar Tomaschett, scolaras e scolars dil Consorzi