Elecziun da Stefan Gabriel sco niev menader da scola dalla scola Breil

A caschun da lur davosas radunonzas han il Cussegl da scola e la Suprastonza da Breil elegiu Stefan Gabriel sco successur da Michael Friberg.

Secapescha che Stefan vegn a restar menader da scola dil Consorzi. Rita Wolf, responsabla pil secretariat dil Consorzi, vegn medemamein ad augmentar siu pensum e surprender il secretariat dalla scola Breil.

L'elecziun da Stefan Gabriel sco ussa menader dad omisduas scolas dalla Sutsassiala porscha la pusseivladad da nezegiar sinergias e per l'ina u l'autra collaboraziun. Ina fusiun dallas scolas ei denton negin tema.